Lampu Merah 2

Awas lampu mere jangan masup dulu
Abang mesti taat ame peraturan
Jangan adek mare abang juga tahu
Nunggu lame-lame abang ga sabaran

Kalo lagi merek abang mesti sabar
Kalo udah ijo boleh abang masup
Abis pegi mane abang musti sabar
Kok sedari tadi lampu mere terus

Lampu mere stop
Lampu ijo jalan
Lampu kuning star pelan-pelang bang
Abang sodok ye jangan
Abang kebut ye jangan
Ingat dong bang demi keselamatan

Ayo siap-siap lampu ude kuning
Ayo dong cepetan sodok deh buruan baang
Abang jadi bingung ngape ndadak mogok
Kagek sale lagi akinye nyang sowak

Lampu kuning siap
Lampu ijo boleh de bang
Lampu mere e bang jangan dulu

Kita musti taat
Ame peraturan
Jangan jadi algojo di jalan

Liat pak pulisi diri di bunderan
Ngatur lalu lintas demi keamanan
enggak perduli panas ga perduli ujan
Demi keamanan lalu lintas jalan…

Lampu Merah 1

Bang jangan dulu masup
Lampunye lagi mere
Maklum dek abang ngantuk
Jangan dong mare mare

Jangan keterlaluan
Nurutin napsunye setan
Abang pengen duluan
Abang takut ketelatan

Telat diomelin

Bang jangan maen sodok
Jangan dong main beset
Jangan dong adek gondok
Abang nyetir ntar kepleset

Abisnye orang lagi mere die masup
lampunye kali kontak mere terus

sekarang bole masup
lampunye ude ijo
abang ga bisa masuk
ade trek kacang ijo

bang jangan maen kebut
pelan dong biarin kalem
dek jangan banyak ribut
duduk aje di dalem

bawel ah

duh abang sale masup
lampunye lagi mere
jangan dong maen sruduk
ntar pak pulisi mare

Kenek Truk

Saye jadi kenek truk
Nangkring ga précis kunyuk
Muterin kota saben ari
Cari sesuap nasi

Dulunye kenek sekarang kenek
Pangkat ga naek-naek

Biarin pokoknye gue seneng
Nyeng penting gue bise madang
Mendingan nyuk kita nyanyi aje
Tepuk tangan rame-rame

Tralala lala lala
Biar kenek asal kerja
Trilili lili lili hey hey
Rejeki ga bakal lari

Ndang dut si gendang gendut
Pokoknye bisa ngudut
Ndal ndul si gundal gandul
Makan ga makan kumpul

Main Gambang

Atak kenong tak kenong
Bunyi kromong ditakolin
Mpak dung pak mpak dung
Bunyi gendang digebugin

Main gambang di rawe belong
Siang-siang tengari bolong
Tukang ketrek duduk besile
Sale getok koreng temennye

Tukang boong matenye ngantuk
Kagak tidur semalem suntuk
Jie ngelengut jatuh ngegusruk
Jatuh duduk die ngegaruk

Oa oe oa oe
Suara tekyan digosokin
Ude cape kelewat cape
Pulang pagi masuk angin

Main gambang di rawe belong
Siang-siang tengari bolong
Tukang ketrek duduk besile
Sale getok koreng temennye

Tukang boong matenye ngantuk
Kagak tidur semalem suntuk
Jie ngelengut jatuh ngegusruk
Jatuh duduk die ngegaruk

Pilih Aje

Pilih aje oo emak pilih aje buat saye
Yang mane boleh aje biarin perawan ato jande
Pokoknya ade napasnye

Nyang tinggi nyang begeng nyang pendek kke
Nyang kurus nyang ceking nyang gembrot biarin

Asal aje ga betingkeh
Saya saye sayang enyak babe

Lekasan dong buruan mak
Lamarin bawain tandenye
Aye takut aye selempang kelamaan disamber orang

Aduh emak emak emak aduh babeh
Pantesnya enak enak jadi penganten
Duduk bedua di dalam taman
Masuk angin ade nyang kerokin

Lamarin dong mak
Pantesnye enak jadi penganten mak
Enak enak enak enak he he enak

Zorro Kemayoran

Jaman sekarang harus ada yang berani
Berani rugi berani mati tahan uji
Kebenaran keadilan kita cari
Buat rakyat di kampong kita sendiri

: emang betul abang jangan takut takut
Kalo musuh datang kita sikut

Hiat sah hiat jeah jah hat jiah hiat jah jas jus jus jah

Jadi orang jangan mau senang sendiri
Tak perduli duit haram disedotin
Coba pikir mateng-mateng dalem hati
Kalo mati cuma bekal kaen puti

: emang betul abang jangan takut takut
Kalo musuh datang kita sikut

Hiat sah hiat jeah jah hat jiah hiat jah jas jus jus jah

Belajar Baca

ABCD E FGHI J
Si mamat belajar bace
Belajar ni ye
Biar pinter ye
Udah gede mao jadi ape

ABCD E FGHI J
Si mamat mulai sekole
Jangan bolos ye
Kesian babe
Nyari duit rasenye paye

Sekolah perlu mengaji perlu sekali
Carilah bekal dunia akhirat
Untuk kita di akhir nanti

Sorga di kanan neraka ada di kiri
Silahkan pilih nyang ente suka
Mau sorga patuh ilahi

Alif fathah A alif kasroh I alif dhomah U
A I U
Lihat si mamat lagi mengaji
Anak soleh patut ditiru

Ya ya ya ya ya ya ya

Ketimun Doang

Neng kloneng kloneng
Tande ade kerete
Nyeng mao dateng dari jurusan kote
Pade blingsatan nyeng nungguin semua
Siap sedie arah tujuannye

Di pinggir peron bang karta ublek ulek
Repot nyeng beli repot idungnye pilek
Sekejep mate dagangan ga sisanye
Ketawe nyengir bayangin duit untungnye

Cukin merenye belepot kuweh
Dikibras kibras –brebet- atas ke baweh
Lagunye mangle terdenger nyate
Buat ngilangin ehey pegel dan cape

Tapi akibatnye jadi berabe
Masinis ngeliat: ADA BAHAYE APE BANG!
Kendati kerete secepet kilat
Masinisnya ngerem sembari loncat
:ade ape bang? Tinggal ketimuan doing neh

Bang karta bangga ame hasil karyanye
Enggak kurang-kurang langganan nyang setie
Untung engga denger masinis memakinye
Sialan karta ngagetin ati gue

Ujan Gerimis

E ujan gerimis aje
Ikan teri di asinin
E jangan menangis aje
Nyang pegi jangan dipikirin

E ujan gerimis aje
Ikan lele ade kumisnye
E jangan menangis aje
Kalo bisa nyari gantinye

Mengapa ujan gerimis aje
Pergi belayar ke tanjung cina
Mengapa adek menangis aja
Kalo memang jodo enggak ke mana

Hey hey

E ujan gerimis aje
Ikan bawal diasinin
E jangan menangis aje
Bulan syawal mao dikawinin

Jalan –jalan ke menado
Jangan lupa membeli palem
Kalo niat mencari jodo
Cari yang item seperti saya